Caderno gaita 23: Enredadas. Para 3 gaitas

A compositora María Mendoza, profesora no Conservatorio Profesional de Música de Ourense, bríndanos a súa obra Enredadas. Para tres gaitas (do, do, sol). A peza, de marcado carácter gaitístico, deixa adeviñar a formación académica da autora. Creada e dedicada á profesora do seu centro, a famosa gaiteira Lorena Freixeiro, e máis ás avanzadas alumnas Noelia Díaz e Sara Fernández, Enredadas aumenta o aínda escaso repertorio para a formación de tres gaitas.

Con esta aposta, Dos Acordes segue avanzando na procura dunha biblioteca básica para o gaiteiro. Todo un criterio de calidade que os especialistas ben coñecen.