Caderno gaita 24: Fantasía Dórica, op. 66

Dos Acordes mantén o seu compromiso académico coa gaita con este novo número da popular colección Cadernos de Gaita. Nesta ocasión, o compositor Manuel Alejandre achega o seu Bierzo natal ata nós con esta «Fantasía Dórica», dedicada ao gaiteiro Diego Bello. Se xa é de consideración que os grandes compositores contemporáneos compoñan para o noso instrumento nacional, non deixa de ser menos que Dos Acordes continúe a aposta por esta vía necesaria de exploración (sen negar a importancia de outras moitas, nas que tamén estivemos dende os inicios).

24 páxinas DIN A4.